سلام على الجميع انا بغيتكم تعاونوني فمشكلتي حيت كنتيق فهاد الموقع وفالناس اللي فيها،المشكل بدا كنا عايشين فحي شعبي ومعروف علينا من عائلة كتتميز بالجمال ديال المظهر والجوهر تزوجو خوتي وحدة مور وحدة وجوج خوتي بنات عملنالهم عرس واحد فقاعة وحدة ومن ديك الساعة كلشي كيهدر فينا اننا داغيا كنزوجو وكانو الحساد بزاف كيقولو زعما غير دارنا اللي كيجيولها الخطاب وصلنا الخبار انها وحد الجارة ديالنا كانو عندا بنات بلا زواج حلفت فينا انها تعملنا شيحاجة صراحة ماديناهاشي فيها حيت كنا صغار وانتقلنا لحي اخر وموراها بدينا نكبرو والخطاب كيجيو لكن مكتكملشي بقيت انا وجوج خوتي بنات وكلنا كنعانيو من نفس الحالة اننا فايما يجينا شي خاطب كنوافقو لكن غير يقربو يجيو للدار كتجينا خنقة وكنكرهوه او هو كيعمل بناقص ختي تخطبت وفسخت حيت كرهاتو وختي التانية نفس الشي وانا باقي للخطبة ديالي سيمانة وكرهتو ورفضتو المهم كلما يجي شي حد نفس الشي كيوقع حتى قالولنا اننا كنعانيو من اعراض سحر تعطيل الزواج
دابا بدينا نكبرو فالسن ومعمرنا قدرنا نشوفو شي حد زعما فقيه يحيدلنا هاد السحر الصراحة كنخافو نعصيو الله واخا كيقولولنا نمشيو عند فقيه كيعمل الرقيا الشرعية والعلاج بالقران لكن كنخافو يكون شرك بالله..واش زعما الفقيه اللي كيعالج بالقران مافيه معصية وفنظركم شنو الحل اللي نقدرو نحيدو بيه هاد السحر ؟؟
